Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 336 Hüküm no: 417 Orijinal metin no: [36a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Musa b. İsmail’in kendisini darp edildiği iddiasıyla açtığı davayı ispat edemediği Ma‘rûz Medîne-i Üsküdar’da Hacce hatun mahallesinde sâkin Musa b. İsmail nâm kimesne medîne-i mezbûrede mahfil-i bâbda meclis-i şer‘-i hatîrde Karabet v. İsail nâm zimmî muvâcehesinde merkūm Karabet zimmî târih-i i‘lâmdan kırk beş gün mukaddem medîne-i mezbûre hâricinde bağımda beni bi-gayrı hakkın sopa ile arkama darb etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâtdan ızhâr-ı acz birle bi’t-taleb merkūm Karabet zimmî gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda merkūm Karabet zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 20 min-Ra sene 1205