Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 337 Hüküm no: 419 Orijinal metin no: [36a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Hüseyin’in Nefise bt. Ali’de kalan eşyalarının kendisine teslimi Ma‘rûz Medîne-i Üsküdar’da Selami mahallesinde sâkine mu‘arrefetü’z-zât Fatıma bt. Hüseyin nâm hatun medîne-i mezbûrede mahfil-i bâbda meclis-i şer‘-i hatîrde kezâlik zâtı mu‘arrefe Nefise bt. Ali nâm hatun mahzarında ben mezbûre Nefise’nin menzilinde ma‘an sâkin olup el-hâletü hâzihî müfârakat etmemle eşyâ-i memlûkemden iki minder ve altı çatma yasdık ve iki çit mak‘ad ve bir baş yasdığı ve bir döşek ve iki yorgan ve iki tencere ve dört sahan ve bir leğen ma‘a ibrik ve bir sini ve bir tâbe ve bir şorba tası mezbûre Nefise’nin menzilinde kalıp bana teslîm etmemekle teslîme tenbîh olunmak murâdımdır deyü da‘vâ ol dahi cevâbında ber-vech-i muharrer ikrâr ü i‘tirâf edip mûcebiyle eşyâ-i muharrere-i mezkûreyi müdde‘iye-i mezbûre Fatıma’ya teslîme mezbûre Nefise’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 16 min-Ra sene 1205