Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 337 Hüküm no: 420 Orijinal metin no: [36a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Ömer’in, tarla hissesini zapt eden Ahmed’in hisseyi sahibine teslim etmesi Ma‘rûz Medîne-i Üsküdar’da Kādıasker mahallesi sükkânından Mehmed b. Ömer nâm kimesne medîne-i mezbûrede mahfil-i bâbda meclis-i şer‘-i hatîrde medîne-i mezbûreye muzâfe Yoros nâhiyesine tâbi‘ Koculu karyesi sükkânından Ahmed b. Hüseyin nâm kimesne mahzarında karye-i mezbûre hâricinde vâki‘ lede’l-ahâli ve’l-cîrân ma‘lûmü’l-hudûd beş keyl tohm istî‘âb eder tarlanın beş hisse i‘tibârıyla bir hissesi babam mezbûr Ömer’den müntakil bâ-ma‘rifet-i sâhib-i arz taht-ı tasarrufumda iken mezbûr Ahmed tarla-yı mezkûru fuzûlî zirâ‘at ve tasarruf etmekle kasr-ı yed ve bana teslîme tenbîh olunmak matlûbumdur deyü da‘vâ ve mezbûr Ahmed cevâbında fuzûlî tasarrufunu ikrâr ü i‘tirâf etmeğin mûcebiyle mezbûr Ahmed tarla-yı mezkûrun bir hissesinden keff-i yed ve müdde‘î-i mezbûr Mehmed’e teslîme tenbîh olunduğu bi’l-iltimâs huzûr-ı âlîlerine i‘lâm olundu. Fî 29 min-Safer sene 1205