Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 338 Hüküm no: 421 Orijinal metin no: [36b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid İbrahim’in kaybettiği beygirini bulan Karabet’in beygiri sahibine iade etmesi Ma‘rûz Mahmiye-i İslâmbol’da Kebeciler Hanı’nda sâkin es-Seyyid İbrahim b. el-Hâc Mustafa nâm kimesne medîne-i Üsküdar’da mahfil-i bâbda meclis-i şer‘-i hatîrde Karabet v. Matik nâm zimmî muvâcehesinde emlâkimden olup işbu mu‘âyene olunan bir re’s al bârgirimi târih-i i‘lâmdan altı buçuk sene mukaddem Vilâyet-i Anadolu’da Alâiye kazâsında vâki‘ çiftliğimde mülkümden zâyi‘ olup merkūm Karabet yedinde bulmamla bi’l-istihkāk hâlâ taleb ederim deyü da‘vâ ol dahi cevâbında Vilâyet-i Kayseriye kazâsına ta‘bîr Develi karyesinde bir zimmîden dört sene mukaddem otuz beş guruş semen-i makbûza iştirâ ve kabz etmiş idim deyü vaz‘-ı yedini ikrâr lâkin müdde‘î-i mezbûrun ber-minvâl-i muharrer mülkü olduğunu ba‘de’l-inkâr müdde‘î-i mezbûr İbrahim ber-vech-i muharrer müdde‘âsını udûlden es-Seyyid Numan b. İbrahim ve es-Seyyid Mehmed Sadık b. İbrahim nâm kimesneler şehâdetleriyle bi’l-muvâcehe vech-i şer‘î üzere ba‘de’l-isbât ve’t-tahlîf mûcebiyle bârgir-i mezkûru mezbûr es-Seyyid İbrahim’e teslîme merkūm Karabet zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 7 min-Ra sene 1205