Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 338 Hüküm no: 422 Orijinal metin no: [36b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuyumcu Serope’nin emanet verdiği koyunlarının bedelinin ödenmesi talebiyle Bedros’a açtığı davada sulh olduğu Ma‘rûz Medîne-i Üsküdar’da Yenimahalle’de mütemekkin Kuyumcu Serope v. Asvador nâm zimmî medîne-i mezbûrede mahfil-i bâbda meclis-i şer‘-i hatîrde Bedros v. Manuk nâm zimmî muvâcehesinde târih-i i‘lâmdan üç ay mukaddem merkūm Bedros zimmî yedine bi-tarîki’l-emâne teslîm eylediğim yirmi üç guruş kıymetli iki re’s koyunlarımı zâyi‘ etmekle kıymet-i mezkûresi olan yirmi üç guruşu taleb ederim deyü eylediği da‘vâsından bâ-tavassut-ı muslihîn on bir guruş bedel-i makbûza merkūm Bedros zimmî ile sulh olup ziyâde müdde‘âsı olan on iki guruşa ve bi’l-cümle husûs-ı mezkûra müte‘allıka âmme-i de‘âvîden merkūm Bedros’un zimmetini ibrâ ve ıskāt eylediğinde ol dahi ibrâsını kabûl edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 16 min-Ra sene 1205