Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 340 Hüküm no: 425 Orijinal metin no: [36b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Ahmed’in borcunu ödemesi Ma‘rûz Medîne-i Üsküdar’da Balaban İskelesi’nde vâki‘ yağhânede mütemekkin Yağcı Lazari v. Yorgi nâm zimmî medîne-i mezbûrede mahfil-i bâbda meclis-i şer‘-i hatîrde Mustafa b. Ahmed mahzarında işbu hâzır bi’l-meclis Lazari oğlu diğer Mustafa zimmetinde köftün semeninden kırk guruş hakkım olup târih-i i‘lâmdan bir gün mukaddem mezbûr diğer Mustafa beni deyn-i mezkûr ile üçümüz bir meclisde olduğumuz hâlde mezbûr Mustafa üzerine havâle-i mutlaka ile havâle ve herbirimiz havâleyi kabûl ve meblağ-ı merkūm kırk guruşun yirmi guruşunu mezbûr Mustafa yedinden ahz ü kabz ve yirmi guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını isbâta kādir olamayıp bi’t-taleb mezbûr Mustafa’ya yemîn teklif olundukda yemînden nükûlüyle sâbit olmağın mûcebiyle mezbûr Mustafa meblağ-ı bâkī-i merkūm yirmi guruşu müdde‘î-i merkūma edâ ve teslîme mezbûr Mustafa’ya şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî-gurrei M sene 1205