Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 340 Hüküm no: 426 Orijinal metin no: [36b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yağcı Lazari ile ortağı Aslan’a borcu olan Süleyman’ın borcunu ödemesi Ma‘rûz Medîne-i Üsküdar’da Balaban İskelesi’nde vâki‘ yağhânede mütemekkinler Lazari v. Yorgi ve şerîki Aslan v. Yuvan nâm zimmîler medîne-i mezbûrede mahfil-i bâbda meclis-i şer‘-i hatîrde Süleyman b. Mustafa nâm kimesne mahzarında mezbûr Süleyman târih-i i‘lâmdan bir buçuk sene mukaddem âhar şerîkimiz gāib ani’l-meclis Filato v. Yorgi nâm zimmî ile yedimizden iştirâ ve kabz eylediği vezn ve fiyâtı beynimizde ma‘lûm köftün semeninden bâ-temessük altmış dört guruş zimmetinde hakkımız olup meblağ-ı merkūm altmış dört guruşdan bizim hissemize isâbet eden kırk iki guruş seksen akçenin ancak on guruşunu yedinden ahz ü kabz ve otuz iki guruş seksen akçesi zimmetinde bâkī kalmağla taleb ederiz deyü herbiri ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm otuz iki guruş seksen akçenin edâsıyla mezbûr Süleyman şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 4 min-M sene 1205