Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 341 Hüküm no: 427 Orijinal metin no: [36b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keresteci Serkiz v. Toros’a borcu olan kardeşi Sahak’ın borcunu ödemesi Ma‘rûz Medîne-i Üsküdar[‘da] Balaban İskelesi’nde Keresteci Serkiz v. Toros nâm zimmî medîne-i mezbûrede mahfil-i bâbda meclis-i şer‘-i hatîrde karındaşı Sahak v. el-merkūm Toros nâm zimmî muvâcehesinde merkūm Sahak zimmî işbu yedimde olan bin iki yüz üç senesi Cumâdelâhire’sinin gurresi târihiyle müverrah bir kıt‘a deyn temessüğü mantûkunca yedimden ve mâlımdan iktirâz ve kabz ve umûruna sarfla istihlâk eylediği elli guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm elli guruşun edâsıyla merkūm Sahak zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 23 min-Ra sene 1205