Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 346 Hüküm no: 437 Orijinal metin no: [37b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Çavuş’un on kile buğdayı ile bir çuvalının alındığı iddiasıyla açtığı davayı ispat edemediği Ma‘rûz Mahmiye-i İslâmbol’da Süleymaniye kurbünde sâkin Ahmed Çavuş b. İbrahim nâm kimesne medîne-i Üsküdar’da mahfil-i bâbda meclis-i şer‘-i hatîrde Mehmed Esad b. Ebûbekir nâm kimesne mahzarında mezbûr Mehmed Esad târih-i i‘lâmdan elli gün mukaddem Limni Adası’ndan sefîne ile ma‘an mahmiye-i mezbûreye gelip sefîne-i mezkûre derûnuna vaz‘ eylediğim mecmû‘-ı kıymetleri on bir guruşa bâliğ on keyl buğday ve bir çuvalımı sefîne-i mezbûreden fuzûlî ahz etmekle mevcûd ise a‘yânını müstehleke ise kıymet-i mezkûresini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâtdan acz birle bi’t-taleb mezbûr Mehmed Esad gıbbe’t-tahlîfi’ş-şer‘î mûcebiyle müdde‘î-i mezbûr da‘vâ-yı mezkûresiyle mezbûr Mehmed Esad’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 27 min-C sene 1204