Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 346 Hüküm no: 438 Orijinal metin no: [37b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Mustafa’nın Osman b. Mehmed’e olan borcunu Osman’ın babasına ödemesi (havale) Ma‘rûz Medîne-i Üsküdar’da Hacce Hasna Hatun mahallesinde sâkin Mehmed b. el-Hâc Ahmed medîne-i mezbûrede mahfil-i bâbda meclis-i şer‘-i hatîrde Ali b. Mustafa nâm kimesne mahzarında oğlum gāib ani’l-meclis Osman nâm kimesnenin mezbûr Ali zimmetinde cihet-i karzdan on sekiz guruş hakkı olup târih-i i‘lâmdan altı ay mukaddem oğlum gāib-i mezbûr beni deyn-i mezkûr ile üçümüz bir mahâlde olduğumuz hâlde mezbûr Ali üzerine havâle-i mutlaka ile havâle ve herbirimiz havâleyi ba‘de’l-kabûl meblağ-ı merkūm on sekiz guruşun altı guruş yirmi beş parasını yedinden ahz ve bâkī on bir guruş ve on beş para zimmetinde kalmağla hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâtdan ızhâr-ı acz edip talebiyle mezbûr Ali’ye yemîn teklif olundukda yemînden nükûlüyle [nükûl] etmeğin mûcebiyle meblağ-ı bâkī-i merkūm on bir guruş on beş parayı müdde‘î-i mezbûra edâ ve teslîme mezbûr Ali’ye şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 13 min-S sene 1205