Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 347 Hüküm no: 440 Orijinal metin no: [38a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mustafa b. İbrahim’in kaybolan beygirinin İspir v. Haçok’ta olduğu iddiasıyla açtığı davadan vazgeçtiği Ma‘rûz Vilâyet-i Anadolu’da Diyârbakır ahâlisinden olup hâlâ medîne-i Üsküdar’da handa misâfiren sâkin es-Seyyid Mustafa b. İbrahim nâm kimesne medîne-i mezbûrede mahfil-i bâbda meclis-i şer‘-i hatîrde zikri âtî bârgire mâlik olan Esper v. Haçok nâm zimmî muvâcehesinde târih-i i‘lâmdan üç gün mukaddem emlâkimden bir re’s doru bârgir zâyi‘ olup merkūm İspir zimmî yedinden bulmamla bi’l-istihkāk taleb ederim deyü eylediği da‘vâsından meccânen fâriğ olup bârgir-i merkūmun gaybına ve kıymetine müte‘allika âmme-i de‘âvîden merkūm İspir zimmînin zimmetini ba‘de’l-ibrâ ve’l-kabûl kat‘-ı münâza‘a eyledikleri tescîl ve bi’l-iltimâs huzûr-ı âlîlerine i‘lâm olundu. Fî 4 min-R sene 1205