Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 348 Hüküm no: 441 Orijinal metin no: [38a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Papa Yani’nin Bakkal Yanaki’de olan alacağının ödenmesi Ma‘rûz Medîne-i Üsküdar’da Yenimahalle mütemekkinlerinden Papa Yani v. Yorgi nâm zimmî tarafından ber-vech-i âtî vekîl olduğu Mehmed b. Halil nâm kimesne ile Kostanti v. Anton nâm zimmî şehâdetleriyle sâbit olan sulbî kebîr oğlu Pavli nâm zimmî medîne-i mezbûrede mahfil-i bâbda meclis-i şer‘-i hatîrde Bakkāl Yanaki v. Kostanti nâm zimmî muvâcehesinde merkūm Yanaki târih-i i‘lâmdan üç sene mukaddem babam müvekkil-i merkūm Papa Yani yedinden istikrâz ve kabz ve umûruna sarfla istihlâk eylediği yüz elli guruş zimmetinde hakkı olmağla bi’l-vekâle taleb ederim deyü da‘vâ ve merkūm Yanaki zimmî cevâbında fi’l-hakīka müvekkil-i merkūm Papa Yani’ye cihet-i mezkûreden ol-mikdâr meblağ deyni olduğunu ikrâr lâkin meblağ-ı merkūm yüz elli guruşun kırk beş guruşunu bi’d-defa‘ât müvekkil-i merkūma edâ ve teslîm edip ancak yüz beş guruş deynim bâkī kalmış idi deyü ba‘de’d-def‘ ve’l-inkâr merkūm Yanaki zimmî def‘-i mezkûrunu beyâna ba‘de’l-havâle mertebe-i ikrârı olan meblağ-ı bâkī-i merkūm yüz beş guruşun edâsıyla merkūm Yanaki zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 5 min-R sene 1205