Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 348 Hüküm no: 442 Orijinal metin no: [38a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manyal v. Nifor’un borcunu ödemesi Ma‘rûz Mahmiye-i İslâmbol hısnı ebvâbından Balatkapısı hâricinde mütemekkin Yasef v. Hayim nâm Yahûdî medîne-i Üsküdar’da mahfil-i bâbda meclis-i şer‘-i hatîrde Manyal v. Nifor nâm zimmî muvâcehesinde merkūm Manyal zimmî işbu yedimde olan bin iki yüz dört senesi Zilhicceti’ş-şerîfe’si gurresi târihiyle müverrah bir kıt‘a temessük mantûkunca yedimden istikrâz ve kabz ve umûruna sarfla istihlâk eylediği üç yüz elli guruş zimmetinde hakkımı taleb ederim deyü takrîrine mutâbık bir kıt‘a temessük ibrâzıyla ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm üç yüz elli guruşun müdde‘î-i merkūm Yasef Yahûdî’ye edâsıyla merkūm Manyal zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 23 min-Ra sene 1205