Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 349 Hüküm no: 443 Orijinal metin no: [38a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bağcı Ahmed’e borcu olan Serkiz’in borcunu ödemesi Ma‘rûz Medîne-i Üsküdar’da Pazarbaşı mahallesinde sâkin Bağcı Ahmed b. Osman nâm kimesne medîne-i mezbûrede mahfil-i bâbda meclis-i şer‘-i şerîf-i enverde Serkiz v. Minas nâm zimmî muvâcehesinde merkūm Serkiz zimmî târih-i i‘lâmdan iki sene mukaddem yedimden ve mâlımdan istikrâz ve kabz ve umûruna sarfla istihlâk eylediği iki yüz yetmiş guruş zimmetinde hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihî meblağ-ı merkūm iki yüz yetmiş guruşun müdde‘î-i mezbûr Ahmed’e edâsıyla merkūm Serkiz zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 8 min-Rebî‘ülâhir sene 1205