Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 349 Hüküm no: 444 Orijinal metin no: [38a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Memiş’in emanet parasının iadesi talebiyle damadına açtığı davayı ispat edemediği Ma‘rûz Mahrûse-i Galata mahallâtından Arabcâmi mahallesinde sâkine mu‘arrefetü’z-zât Hadice bt. Memiş nâm hatun medîne-i Üsküdar’da mahfil-i bâbda meclis-i şer‘-i hatîrde dâmâdı es-Seyyid Mehmed Ağa b. Süleyman nâm kimesne mahzarında târih-i i‘lâmdan dört ay mukaddem dâmâdım mezbûr es-Seyyid Mehmed Ağa yedine bi-tarîki’l-vedî‘a vaz‘ ve teslîm eylediğim altmış guruşu bana edâ etmeyip hâlâ zimmetinde olmağla taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre Hadice Hatun ber-vech-i muharrer müdde‘âsını isbâtdan ızhâr-ı acz edip tahlîfe dahi tâlibe olmamağla mûcebiyle müdde‘iye-i mezbûre da‘vâ-yı mezkûresiyle mezbûr es-Seyyid Mehmed Ağa’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 5 min-R sene 1205