Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 349 Hüküm no: 445 Orijinal metin no: [38b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Âlime bt. Hüseyin’in kendisini darp edip dişini çıkardığı iddiasıyla üvey oğluna açtığı davayı ispat edemediği Ma‘rûz Medîne-i Üsküdar’a muzâfe Taşköprü nâhiyesine tâbi‘ Kalburcu karyesi sâkinelerinden mu‘arrefetü’z-zât Âlime bt. Hüseyin nâm hatun medîne-i mezbûrede mahfil-i bâbda meclis-i şer‘-i hatîrde üvey oğlu Mehmed Emin b. Hüseyin nâm kimesne mahzarında mezbûr Mehmed Emin târih-i i‘lâmdan dört sene mukaddem demir sacayak ile bi-gayrı hakkın amden başıma ve dişlerime darb ve bir dişimi ihrâc ve gözlerimin basarına halel gelmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını isbâta kādir[e] olamayıp talebiyle mezbûr Mehmed Emin gıbbe’t-tahlîfi’ş-şer‘î mûcebiyle müdde‘iye-i mezbûre Âlime da‘vâ-yı mezkûresiyle mezbûr Mehmed Emin’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 28 min-Ra sene 1205