Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 350 Hüküm no: 446 Orijinal metin no: [38b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeynep bt. Abdullah’a borcu olan Seyyid Mehmed’in borcunu ödemesi Ma‘rûz Medîne-i Üsküdar’da Hasanağa mahallesinde sâkine Zeyneb bt. Abdullah nâm hatun tarafından ber-vech-i âtî vekîl olduğu zâtını ârifân Ahmed b. Ali ve Hüseyin b. Mehmed nâm kimesneler şehâdetleriyle sâbit olan zevci es-Seyyid Feyzullah b. Ömer nâm kimesne meclis-i şer‘-i hatîrde es-Seyyid Mehmed Safiyüddin b. Mehmed mahzarında zevcem müvekkile-i mezbûrenin mezbûr es-Seyyid Mehmed Safiyüddin zimmetinde bin iki yüz üç senesi şehr-i Rebî‘ülâhir’inin yirmi birinci günü târihiyle müverrah bir kıt‘a temessük mantûku üzere cihet-i karz-ı şer‘îden doksan beş guruş hakkı olmağla bi’l-vekâle taleb ederim deyü takrîr-i meşrûhuna mutâbık mu‘anven ve mersûm bir kıt‘a deyn temessüğü ibrâzıyla ba‘de’d-da‘vâ ve’l-istintâk ve’l-ikrâr alâ-mûcebi ikrârihî meblağ-ı merkūm doksan beş guruşun edâsıyla mezbûr es-Seyyid Mehmed Safiyüddin şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 8 min-R sene 1205