Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 351 Hüküm no: 448 Orijinal metin no: [38b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ananya v. Marat’ın, hizmet bedelinden alacak iddiasıyla Mardıros v. Mıgırdıç’a açtığı davayı ispat edemediği Ma‘rûz Medîne-i Üsküdar’da Yenimahalle’de mütemekkin Ananya v. Marat nâm zimmî medîne-i mezbûrede mahfil-i bâbda meclis-i şer‘-i hatîrde Mardıros v. Mıgırdıç nâm zimmî muvâcehesinde ben ücret ile hizmet eder makūlesinden olmamla merkūm Maroke [Mardıros] zimmîye talebiyle ücret kavlinsiz târih-i i‘lâmdan kırk gün mukaddem medîne-i mezbûre hâricinde Sultançiftliği nâm mahâlde vâki‘ su değirmeninde otuz yedi gün hizmet etmemle eylediğim hizmetimin ecr-i mislini merkūm Mardıros’dan taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını isbâtdan ızhâr-ı acz birle bi’t-taleb merkūm Mardıros zimmî gıbbe’t-tahlîfi’ş-şer‘î mûcebiyle müdde‘î-i merkūm da‘vâ-yı mezkûresiyle merkūm Mardıros zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 25 min-Ra sene 1205