Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 353 Hüküm no: 453 Orijinal metin no: [39a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Mustafa’nın eşya ve para alacağı olduğu iddiasıyla İslam Beşe’ye açtığı davayı ispat edemediği Ma‘rûz Medîne-i Üsküdar’da misâfiren sâkin Hüseyin b. Mustafa nâm kimesne medîne-i mezbûrede mahfil-i bâbda meclis-i şer‘-i hatîrde İslâm [Beşe] b. Bektaş nâm kimesne mahzarında târih-i i‘lâmdan bir ay mukaddem mezbûr İslâm Beşe eşyâ-i memlûkemden üç guruş kıymetli bir aba ve bir potur ile nakden on beş guruşumu bi-gayrı hakkın ahz etmekle meblağ-ı merkūm on beş guruş ile eşyâ-yi mezkûreyi taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâtdan ızhâr-ı acz birle bi’t-taleb mezbûr İslâm Beşe gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr İslâm Beşe’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 11 min-R sene 1205