Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 355 Hüküm no: 456 Orijinal metin no: [39a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Kostanti v. Yuvan’ın hizmet bedelinin ödenmesi talebiyle açtığı davada sulh olduğu Ma‘rûz Medîne-i Üsküdar’da Yeniçeşme kurbünde mütemekkin Bakkāl Kostanti v. Yuvan nâm zimmî medîne-i mezbûrede mahfil-i bâbda meclis-i şer‘-i hatîrde Sava v. Anaştaş nâm zimmî muvâcehesinde ben ücret ile hizmet eder makūleden olmamla bundan akdem merkūm Sava zimmînin talebiyle dükkânında kendiye bilâ-tesmiyeti’l-ücre üç ay hizmet etmemle şühûr-ı mezkûrede sebkat eden hizmetimin ecr-i mislini merkūm Sava zimmîden hâlâ taleb ederim deyü eylediği da‘vâsından bâ-tavassut-ı muslihîn yüz para bedel-i makbûza sulh olup ziyâde misline müte‘allika âmme-i de‘âvîden merkūm Sava zimmînin zimmetini ibrâ ve ıskāt eyledikde ol dahi ber-vech-i muharrer ibrâsını kabûl edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 29 min-Za sene 1204