Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 358 Hüküm no: 462 Orijinal metin no: [40a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Liyo v. Polihron’un sattığı bağ bedeliyle ilgili davanın hukuksuz bulunduğu Ma‘rûz Medîne-i Üsküdar’da Kolluk karşısında Bakkāl Liyo v. Polihron nâm zimmî medîne-i mezbûrede mahfil-i bâbda meclis-i şer‘-i hatîrde İstori v. Toma nâm zimmî muvâcehesinde târih-i i‘lâmdan dokuz ay mukaddem Vilâyet-i Anadolu’da Arabsun kazâsına tâbi‘ Sineson karyesi toprağında vâki‘ ma‘lûmü’l-hudûd bir kıt‘a bağımı otuz altı guruşa merkūm İstori zimmîye bey‘ ve temlik etmiş idim lâkin merkūm İstori zimmî bağ-ı mezkûru bana red sadedinde olup beynimize muslihûn tavassutuyla beni on sekiz guruş üzerine sulh eylediklerinde biz [ben] dahi sulh-ı mezkûru kabûl edip ziyâde on sekiz guruşa müte‘allika da‘vâdan merkūm İstori zimmînin zimmetini ibrâ ve ıskāt eylediğimde ol dahi ibrâmı kabûl edip mücerred ben sulh ve ibrâ-i mezkûruma nâdim olmamla meblağ-ı merkūm on sekiz guruşu merkūm İstori zimmîden taleb ederim deyü tasaddî eylediği da‘vâsına şer‘an iltifât olunmadığı bi’l-iltimâs huzûr-ı âlîlerine i‘lâm olundu. Fî 2 min-Ra sene 1205