Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 359 Hüküm no: 463 Orijinal metin no: [40a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Mustafa’nın Marangoz kalfası Panayot v. Parse’de kalan alacağının ödenmesi talebiyle açtığı davada sulh olduğu Ma‘rûz Mahmiye-i İslâmbol’da Sultanmehmed kurbünde sâkin Ali b. Mustafa nâm kimesne medîne-i Üsküdar’da mahfil-i bâbda meclis-i şer‘-i hatîrde Neccâr kalfası Panayot v. Parse nâm zimmî muvâcehesinde târih-i i‘lâmdan üç ay mukaddem merkūm Panayot zimmî zimmetinde adedi beynimizde ma‘lûm tahta rendelemesi ücretinden otuz dokuz guruş yirmi dört para hakkımın yirmi guruşunu yedinden ahz on dokuz guruş yirmi dört para hakkım zimmetinde bâkī kalmağla taleb ederim deyü eylediği da‘vâsından bâ-tavassut-ı muslihîn yedi buçuk guruş bedel-i makbûza sulh olup ziyâde müdde‘âsı olan on iki guruş dört paraya müte‘allıka âmme-i de‘âvîdin merkūm Panayot zimmînin zimmetini ibrâ ve ıskāt eyledikde ol dahi ber-vech-i muharrer ibrâsını kabûl edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 14 min-R sene 1205