Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 361 Hüküm no: 466 Orijinal metin no: [40a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeynep bt. Mustafa’nın boşandığı kocası Abdullah’da olan alacağı ile mehir bedelinin kendisine ödenmesi Ma‘rûz Medîne-i Üsküdar’a tâbi‘ Bulgurlu karyesi sâkinelerinden mu‘arrefetü’z-zât Zeyneb bt. Mustafa nâm hatun medîne-i mezbûrede mahfil-i bâbda meclis-i şer‘-i hatîrde zevc-i dâhili Abdullah b. İbrahim nâm kimesne muvâcehesinde ben mezbûr Abdullah’ın altmış guruş mehr-i müeccel tesmiyesiyle zevce-i menkûhası iken bundan akdem beni tatlîk etmekle zimmetinde mütekarrir ve ma‘kūdün-aleyh olan mârrü’z-zikr altmış guruş mehr-i müeccelim ve târih-i i‘lâmdan bir sene mukaddem yedimden bi-tarîki’l-karz istidâne ve kabz eylediği dokuz buçuk guruş ki cem‘an ciheteyn-i mezkûreteynden altmış dokuz buçuk guruş zimmetinde hakkım olmağla hâlâ taleb ederim deyü da‘vâ ol dahi cevâbında fi’l-hakīka müdde‘iye-i mezbûre Zeyneb Hatun altmış guruş mehr-i müeccel tesmiyesiyle zevcesi olup ber-vech-i muharrer tatlîkini ve cihet-i karzdan deyni olduğunu ikrâr ü i‘tirâf etmeğin mûcebiyle meblağ-ı merkūm altmış dokuz buçuk guruşun müdde‘iye-i mezbûre Zeyneb Hatun’a edâsıyla mezbûr Abdullah şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 24 min-Ra sene 1205