Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 364 Hüküm no: 472 Orijinal metin no: [41a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Abdullah’ın alacak iddiasıyla Rabia bt. Ömer’e açtığı davayı ispat edemediği Ma‘rûz Medîne-i Üsküdar’da Kādıasker mahallesinde sâkine mu‘arrefetü’z-zât Fatıma bt. Abdullah nâm hatun medîne-i mezbûrede mahfil-i bâbda meclis-i şer‘-i hatîrde kezâlik zâtı mu‘arrefe Rabia bt. Ömer nâm hatun mahzarında târih-i i‘lâmdan bir buçuk ay mukaddem emlâkimden nakden kırk guruşumu mezbûre Rabia Hatun yedine bi-tarîki’l-emâne vaz‘ ve teslîm edip on iki guruşunu yedinden ahz ü kabz ve yirmi sekiz guruşu zimmetinde bâkī kalmağla hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını isbâta kādire olmayıp talebiyle mezbûre Rabia Hatun gıbbe’t-tahlîfi’ş-şer‘î mûcebiyle müdde‘iye-i mezbûre husûs-ı mezkûrda mezbûre Rabia Hatun’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 26 min-Ra sene 1205