Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 365 Hüküm no: 474 Orijinal metin no: [41a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Hacı Mehmed’in evinden nakit para ve çeşitli eşyalarını aldığı iddiasıyla Emine bt. Halil’e açtığı davayı ispat için mühlet verildiği Ma‘rûz Medîne-i Üsküdar’da Vâlide-i Atik mahallesinde sâkine zâtı mu‘arrefe Hadice bt. el-Hâc Mehmed nâm hatun medîne-i mezbûrede mahfil-i bâbda meclis-i şer‘-i hatîrde kezâlik zâtı mu‘arrefe Emine bt. Halil nâm hatun mahzarında mezbûre Emine târih-i i‘lâmdan yirmi gün mukaddeme gelince sâkine olduğum menzilimde müstecirem olup târih-i mezkûrda eşyâsını âhar menzile nakl esnâsında benim odamda sandık derûnunda mevcûd nakid otuz dört guruş ile mecmû‘-ı kıymetleri yüz altmış üç buçuk guruşa bâliğ eşyâ-i memlûkemden on top bez ve bir yorgan yüzü ve on sahan ve bir tas ve yetmiş arşın iplik ve bir yüzük ve bir mikdâr Hindî iplik ve bir Şam alacası entarimi bi-gayrı hakkın ahz etmekle nakd-i merkūm otuz dört guruş ile eşyâ-i mezkûreyi taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını isbât için şâhide havâle olunup henüz da‘vâlarına faysal verilmediği cerîde[de] mastûr ve mukayyed olduğu sâdır olan fermân-ı âlîlerine imtisâlen huzûr-ı âlîlerine i‘lâm olundu. Fî 23 min-R sene 1205