Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 367 Hüküm no: 477 Orijinal metin no: [41b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Markar v. Bogos’un ekmek bedelinden alacağı olduğu iddiasıyla açtığı davayı ispat edemediği Ma‘rûz Medîne-i Üsküdar’da iskele kurbünde fırında mütemekkin Markar v. Bogos nâm zimmî medîne-i mezbûrede mahfil-i bâbda meclis-i şer‘-i hatîrde şahsı mu‘arrefe Saltana bt. Karabet nâm Nasrâniye muvâcehesinde merkūme Saltana Nasrâniye bundan akdem bi’d-defa‘ât yedimden iştirâ ve kabz eylediği nân-ı azîz semeninden zimmetinde müctemi‘a olan altmış dört guruş hakkımın yirmi guruşunu yedinden ahz ü kabz ve kırk dört guruş bâkī kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını isbâta kādir olamayıp talebiyle merkūme Saltana Nasrâniye gıbbe’t-tahlîfi’ş-şer‘î mûcebiyle müdde‘î-i merkūm Markar zimmî husûs-ı mezkûrda merkūme Saltana Nasrâniyeye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 21 min-Ra sene 1205