Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 367 Hüküm no: 478 Orijinal metin no: [41b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Esma bt. Ömer’in, boşandığı kocası Seyyid Mehmed ile mehir, nafaka ve diğer ihtiyaçları için anlaştıkları Ma‘rûz Medîne-i Üsküdar’da Vâlide-i Atik mahallesinde sâkine mu‘arrefetü’z-zât Esma bt. Ömer nâm hatun medîne-i mezbûrede mahfil-i bâbda meclis-i şer‘-i hatîrde zevc-i sâbıkı es-Seyyid Mehmed b. İsmail muvâcehesinde ben mezbûr es-Seyyid Mehmed’in on beş guruş mehr-i müeccel tesmiyesiyle zevce-i medhûlün-bihâsı iken târih-i i‘lâmdan iki gün mukaddem beni tatlîk etmekle mezbûrun zimmetinde mütekarrir ve ma‘kūdün-aleyh olan mârrü’z-zikr on beş guruş mehr-i müeccelim ve bakıye-i nafaka-i iddet-i ma‘lûmem ve meûnet-i süknâmı zevc-i sâbıkım mezbûr es-Seyyid Mehmed’den taleb ederim deyü da‘vâ ol dahi cevâbında fi’l-hakīka müdde‘iye-i mezbûre on beş guruş mehr-i müeccel tesmiyesiyle zevcesi olup ber-vech-i muharrer târih-i mezbûrda tatlîkini ikrâr ü i‘tirâf etmeğin mûcebiyle meblağ-ı merkūm on beş guruşun müdde‘iye-i mezbûre Esma Hatun’a edâsıyla mezbûr es-Seyyid Mehmed şer‘an ilzâm olundukdan sonra müdde‘iye-i mezbûre Esma Hatun’u bakıye-i nafaka-i iddet-i ma‘lûme ve meûnet-i süknâsı için zevci mezbûr es-Seyyid Mehmed ile dört guruş üzerine terâzî eyledikleri bi’l-iltimâs huzûr-ı âlîlerine i‘lâm olundu. Fî 26 min-R sene 1205