Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 370 Hüküm no: 482 Orijinal metin no: [41b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tanaş v. Gerih’in kireç yakma bedelinden alacağı olduğu iddiasıyla açtığı davada sulh olduğu Ma‘rûz Medîne-i Üsküdar’a tâbi‘ Bulgurlu karyesinde mütemekkin Tanaş v. Gerih nâm zimmî medîne-i mezbûrede mahfil-i bâbda meclis-i şer‘-i hatîrde Karabet v. Sayiş? nâm zimmî muvâcehesinde merkūm Karabet zimmî zimmetinde beynimizde ma‘lûm kireç ihrâkı ücretinden altmış yedi guruş hakkım olmağla hâlâ taleb ederim deyü eylediği da‘vâsından bâ-tavassut-ı muslihîn yirmi guruş bedel-i makbûza sulh olup ziyâde müdde‘âsı olan kırk yedi guruşa müte‘allika âmme-i de‘âvîden merkūm Karabet zimmînin zimmetini ibrâ ve ıskāt eylediğinde ol dahi ber-vech-i muharrer ibrâsını kabûl edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 16 min-Ra sene 1205