Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 370 Hüküm no: 483 Orijinal metin no: [42a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Mustafa’ya borcu olan Erim v. Arakil’in kalan borcunu ödemesi Ma‘rûz Vilâyet-i Anadolu’da Eğin kazâsı ahâlisinden olup hâlâ medîne-i Üsküdar’da Atpazarı’nda misâfiren sâkin Ahmed b. Mustafa nâm kimesne medîne-i mezbûrede mahfil-i bâbda meclis-i şer‘-i hatîrde Erim v. Arakil nâm zimmî muvâcehesinde merkūm Erim zimmî işbu yedime i‘tâ eylediği bir kıt‘a temessük nâtık olduğu üzere cihet-i karzdan yüz on guruşun otuz guruşunu yedinden ahz ü kabz edip seksen guruşu merkūm Erim zimmetinde hakkım kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm seksen guruşu müdde‘î-i mezbûr Ahmed’e edâsıyla merkūm Erim zimmî şer‘an ilzâm olunduğu tescîl ve bi’l-iltimâs huzûr-ı âlîlerine i‘lâm olundu. Fî 26 min-R sene 1205