Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 385 Hüküm no: 514 Orijinal metin no: [45a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa b. İshak’ın borcunu ödemesi Ma‘rûz Medîne-i Üsküdar’da Arakıyeci el-Hâc Cafer mahallesinde sâkine mu‘arrefetü’z-zât Fatıma bt. Mehmed nâm hatun medîne-i mezbûrede mahfil-i bâbda meclis-i şer‘-i hatîrde Ahmed Ağa b. İshak nâm kimesne mahzarında mezbûr Ahmed Ağa işbu bin iki yüz beş senesi târihiyle müverraha yedime i‘tâ eylediği temessük mantûkunca mâlımdan istidâne ve kabz ve kendi umûruna sarfla istihlâk eylediği altmış guruş hakkım mezbûr Ahmed Ağa zimmetinde kalmağla hâlâ taleb ederim deyü da‘vâ ol dahi cevâbında ber-vech-i muharrer temessük i‘tâ eylediğini ikrâr lâkin meblağ-ı merkūmu ahz etmeyip kâziben ikrâr etmiş idim dedikde bu sûretde mezbûr Ahmed Ağa ikrârında kâzib olmadığına müdde‘iye-i mezbûre Fatıma Hatun’a şer‘an yemîn teveccüh etmeğin bi’t-taleb mezbûre Fatıma Hatun gıbbe’t-tahlîfi’ş-şer‘î mûcebiyle meblağ-ı merkūm altmış guruşu müdde‘iye-i mezbûre Fatıma Hatun’a edâsıyla mezbûr Ahmed Ağa’ya şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 22 min-Ca sene 1205