Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 389 Hüküm no: 521 Orijinal metin no: [45b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahudi Paşova’nın Mehmed b. Halil’den satın aldığı öküzü başkası sahiplendiğinden öküz bedelinin ödenmesi talebiyle açtığı davanın reddedildiği Ma‘rûz Havâss-ı Refî‘a kazâsı muzâfâtından Hasköy’de mütemekkin Paşova v. Hayim nâm Yahûdî medîne-i Üsküdar’da mahfil-i bâbda meclis-i şer‘-i hatîrde Mehmed b. Halil nâm kimesne mahzarında târih-i i‘lâmdan bir sene mukaddem mezbûr Mehmed yedinden on sekiz guruş semen-i medfû‘a iştirâ ve kabz eylediğim bir re’s öküzü târih-i merkūmda ism-i ma‘lûmum olmayan kimesne yedimden bi’l-istihkāk ahz mücerred ikrârıyla ma‘hûd öküzü kendiye def‘ ü teslîm etmemle semeni olan meblağ-ı merkūm on sekiz guruşu merkūm Mehmed’den istirdâd ederim deyü takrîri üzere da‘vâsı meşrû‘a olmadığı bi’l-iltimâs huzûr-ı âlîlerine i‘lâm olundu. Fî 23 min-Ca sene 1205