Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 389 Hüküm no: 522 Orijinal metin no: [45b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Mehmed’in zahire bedelinden borcunu ödemesi Ma‘rûz Medîne-i Üsküdar’da Dârü’s-sa‘âde Ağa[sı] Çeşmesi kurbünde mütemekkin Bakkāl Sava v. Anaştaş nâm zimmî medîne-i mezbûrede mahfil-i bâb meclis-i şer‘-i hatîrde Ahmed b. Mehmed nâm kimesne [mahzarında] mezbûr Ahmed târih-i i‘lâmda dokuz ay mukaddem vezn ve fiyâtı beynimizde ma‘lûm yedimden iştirâ ve kabz eylediği ecnâs zehâir semeninden yirmi üç guruş hakkımın dokuz guruşunu yedinden ahz ve on dört guruşu mezbûr Ahmed zimmetinde bâkī kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm on dört guruşu müdde‘î-i merkūm Sava zimmîye edâsıyla mezbûr Ahmed şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 13 min-Ca sene 1205