Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 390 Hüküm no: 523 Orijinal metin no: [45b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mustafa b. İsmail’in zahire bedelinden borcunu ödemesi Ma‘rûz Medîne-i Üsküdar’da Dârü’s-sa‘âde Ağası Çeşmesi kurbünde mütemekkin Bakkāl Sava v. Anaştaş nâm zimmî medîne-i mezbûrede mahfil-i bâb meclis-i şer‘-i hatîrde es-Seyyid Mustafa b. İsmail mahzarında mezbûr es-Seyyid Mustafa târih-i i‘lâmda bir sene yedimden istidâne ve kabz eylediği yedi guruş ve vezn ve fiyâtı beynimizde ma‘lûm yedimden iştirâ ve kabz eylediği ecnâs zehâir semeninden dört buçuk guruş ki cem‘an on bir buçuk guruş hakkım mezbûr es-Seyyid Mustafa zimmetinde kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on bir buçuk guruşu müdde‘î-i merkūm Sava zimmîye edâsıyla mezbûr es-Seyyid Mustafa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 13 min-Ca sene 1205