Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 390 Hüküm no: 525 Orijinal metin no: [45b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Panço v. Kalone’nin aldığı katır bedelinden borcunu ödemesi Ma‘rûz Medîne-i Üsküdar’a tâbi‘ Bulgurlu karyesinde sâkin es-Seyyid Hüseyin b. Hüseyin medîne-i mezbûrede mahfil-i bâbda meclis-i şer‘-i hatîrde Panço v. Kalone nâm zimmî muvâcehesinde merkūm Panço zimmî târih-i i‘lâmdan dokuz ay mukaddem yedimden iştirâ ve kabz eylediği bir re’s kır bârgir semeninden altmış iki guruş hakkımın on dört guruşunu yedinden ahz ü kabz ve kırk sekiz guruşu bâkī zimmetinde kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını Ali b. Mehmed nâm kimesne ile Lazari v. Marko nâm zimmî şehâdetleriyle münkir-i merkūm muvâcehesinde ber-nehc-i şer‘î isbât etmeğin mûcebiyle meblağ-ı bâkī-i merkūm kırk sekiz guruşu müdde‘î-i mezbûra ed[â] ve teslîme merkūm Panço zimmîye şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 28 min-Ca sene 1205