Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 398 Hüküm no: 543 Orijinal metin no: [47a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rençber Yuvan’ın parasını aldığı iddiasıyla Kıbti Veli’ye açtığı davayı ispat edemediği Ma‘rûz Medîne-i Üsküdar’da Yenimahalle’de mütemekkin rençber tâifesinden Yuvan v. Mitro nâm zimmî meclis-i şer‘-i hatîrde Veli b. Hasan nâm Kıbtî mahzarında mezbûr Veli târih-i i‘lâmdan iki ay mukaddem mahalle-i mezbûre civârında vâki‘ Varsam zimmî bağının köşkünde başım altında emlâkimden beyaz kese derûnunda mevcûd elli beş guruşumu gece ile hufyeten ahz etmekle taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyâna kādir olamayıp talebiyle mezbûr Kıbtî Veli gıbbe’t-tahlîfi’ş-şer‘î mûcebiyle müdde‘î-i merkūm husûs-ı mezkûrda merkūm Kıbtî Veli’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 13 min-C sene 1205