Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 403 Hüküm no: 550 Orijinal metin no: [47b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye bt. Ali’nin boşandığı kocasında kalan mehir bedeli talebi Ma‘rûz Medîne-i Üsküdar’da Hasanağa mahallesinde sâkine ve zâtı mu‘arrefe Rukiye bt. Ali nâm hatun meclis-i şer‘-i hatîrde zevc-i dâhili Abdurrahman b. Ahmed nâm kimesne mahzarında mezbûr Abdurrahman’ın iki bin akçe mehr-i müeccel tesmiyesiyle zevce-i medhûlün-bihâsı iken bundan akdem beni tatlîk etmekle zimmetinde mütekarrir ve ma‘kūdün-aleyh olan mehr-i müeccel-i mezkûr iki bin akçe hakkımı taleb ederim deyü da‘vâ ve mezbûr Abdurrahman cevâbında fi’l-hakīka müdde‘iye-i mezbûre mehr-i müeccel-i mezkûr ile zevcesi olduğunu ikrâr lâkin târih-i merkūmda mehr-i mezkûru ve nafaka-i iddet-i ma‘lûmesi üzerine benim ile hul‘ olup mehr-i mezkûrdan zimmetim berî olmuş idi deyü ba‘de’d-def‘ ve’l-inkâr dâfi‘-i mezbûr def‘-i mezkûrunu beyân için ba‘de’l-istimhâl ve’l-imhâl müddet-i mehl-i şer‘î tamam ve birkaç gün dahi mürûr edip def‘-i mezkûrunu beyân edemeyip tahlîfe dahi tâlib olmamağla ikrârı mûcebince mehr-i müeccel-i mezkûr iki bin akçeyi müdde‘iye-i mezbûreye edâ ve teslîme mezbûr Abdurrahman’a şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 15 min-C sene 1205