Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 403 Hüküm no: 551 Orijinal metin no: [48a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeliha bt. Abdullah’ın boşandığı kocasının mehir bedelini ödemesi Ma‘rûz Medîne-i Üsküdar’da Arakıyeci el-Hâc Cafer mahallesinde sâkine ve zâtı vech-i şer‘î üzere mu‘arrefe olan Zeliha bt. Abdullah nâm hatun meclis-i şer‘-i hatîrde zevc-i mutallıkı es-Seyyid Hüseyin b. Ahmed nâm kimesne mahzarında mezbûr es-Seyyid Hüseyin zevcim olup bundan akdem beni tatlîk etmekle zimmetinde mütekarrir ve ma‘kūdün-aleyh olan yirmi sekiz guruş mehr-i müeccelimi taleb ederim deyü eylediği da‘vâsından bâ-tavassut-ı muslihîn on dört guruş bedel-i makbûz mukābelesinde mezbûr es-Seyyid Hüseyin ile sulh olup ziyâde müdde‘âsı olan on dört guruş mehr-i müecceline ve bi’l-cümle hukūk-ı zevciyete müte‘allika âmme-i de‘âvîden mezbûr es-Seyyid Hüseyin’in zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 3 min-C sene 1205