Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 404 Hüküm no: 552 Orijinal metin no: [48a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkçı Seyyid Mustafa’nın kendisini yaralayan Hasan b. İbrahim’e açtığı tazminat davasından vazgeçtiği Ma‘rûz Medîne-i Üsküdar’da Tophâneyeri İskelesi’nde Kayıkcı es-Seyyid Mustafa b. İsmail nâm kimesne medîne-i mezbûrede mahfil-i bâbda meclis-i şer‘-i hatîrde Hasan b. İbrahim nâm kimesne mahzarında mezbûr Hasan târih-i i‘lâm günü iskele-i mezkûrede beni bi-gayrı hakkın amden keser ile başımın sağ tarafına darb ve hâşimeten şec etmekle mûcib-i şer‘îsini taleb ederim deyü eylediği da‘vâsından bâ-tavassut-ı muslihîn meccânen fâriğ olup şecc-i mezkûra ve mâ-yuhdesü-minhe müte‘allika âmme-i de‘âvîden mezbûr Hasan’ın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 14 min-C sene 1205