Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 407 Hüküm no: 561 Orijinal metin no: [48b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma Hanım’ın halası Emetullah Hanım’dan alacak iddiasının geçerli olmadığı Ma‘rûz; Medîne-i Üsküdar’da Evliyâhoca mahallesinde sâkine ve zâtı mu‘arrefe Fatıma bt. Mehmed Emin nâm hatun medîne-i mezbûrede mahfil-i bâbda meclis-i şer‘-i hatîrde hâletesi kezâlik zâtı mu‘arrefe Emetullah bt. İsmail nâm hatun mahzarında ben târih-i i‘lâmdan üç sene mukaddem mezbûre Emetullah hatun menzilinde sâkine iken medîne-i mezbûre hâricinde Kavaksarayı civârında çayır içinde lukata olmak üzere bir tek elmaslı küpe bulup mezbûre Emetullah yedine teslîm edip ol dahi bir hatun yediyle elli guruşa âhara bey‘ edip semeni benim umûruma harc ü sarf edip lâkin zikr olunan küpenin kıymeti yüz guruş olmağla ziyâde kıymeti olan elli guruşu dahi mezbûre Emetullah Hatun’dan taleb ederim deyü müdde‘iye-i mezbûre Fatıma’nın takrîr-i üzere mezbûre Emetullah Hatun’dan eylediği da‘vâsı meşrû‘a olmayıp iltifat olunmadığı bi’l-iltimâs huzûr-ı âlîlerine i‘lâm olundu. Fî 8 min-C sene 1205