Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 413 Hüküm no: 574 Orijinal metin no: [49b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud b. Mustafa’nın geçerli olmayan ulufesi karşılığında Ahmed b. Osman’dan aldığı parayı iade etmesi Ma‘rûz; Medîne-i Üsküdar’da Reis mahallesinde sâkin Ahmed b. Osman nâm kimesne medîne-i mezbûrede meclis-i şer‘-i hatîrde Mahmud b. Mustafa nâm kimesne mahzarında mezbûr Mahmud târih-i i‘lâmdan üç sene mukaddem dergâh-ı mu‘allâ yeniçerilerinin altmışıncı bölüğü odasından olmak üzere mutasarrıf olduğu on akçe ulûfesini elli sekiz guruş bedel mukābelesinde bana ferâğ ve ibtidâ ta‘bîr olunur tezkiresini bana teslîm edip lâkin zikr olunan ulûfenin sıhhati olmayıp ve ferâğı dahi meşrû‘ olmamağla medfû‘um olan meblağ-ı merkūm elli sekiz guruşu istirdâd ederim deyü ba‘de’d-da‘vâ ve’l-istintâk mûcebiyle meblağ-ı merkūm elli sekiz guruşu müdde‘î-i mezbûra redd ü teslîme mezbûr Mahmud’a şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 6 min-Receb sene 1205