Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 418 Hüküm no: 584 Orijinal metin no: [50a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamal Hasan’ın Hasan b. Ömer ile Tosya’daki alacaklısı Ahmed’e gönderdiği paranın yolda hırsızlar tarafından çalındığı Ma‘rûz; Medîne-i Üsküdar’da Büyük İskele’de Hammâl Hasan b. Hüseyin nâm kimesne meclis-i şer‘-i hatîrde Hüseyin b. Ömer nâm kimesne mahzarında târih-i i‘lâmdan sekiz ay mukaddem Tosya kasabasında sâkin Ahmed nâm kimesneye edâ etmek üzere mezbûr Hüseyin yediyle irsâl ve mezbûre Ahmed’e teslîme emr eylediğim bi-tarîki’l-emâne yirmi üç guruşu mezbûr Ahmed’e edâ ve teslîm etmeyip hâlâ yedinde kalmağla taleb ederim deyü da‘vâ eyledikde mezbûr Hüseyin dahi cevâbında meblağ-ı merkūmu kabzını ikrâr lâkin esnâ-i râhda İznikmid kurbünde sârikler yedimden ahz etmişler idi deyü eylediği def‘inde yeminle tasdîk olunur makūleden olup müdde‘î-i mezbûr Hammâl Hasan tahlîfe dahi tâlib olmamağla müdde‘î-i mezbûr husûs-ı mezkûrda mezbûr Hüseyin’e bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fi 28 min-C sene 1205