Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 418 Hüküm no: 586 Orijinal metin no: [50a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şarlıoğlu Ali Osman Ağa’nın borcunu ödemesi Ma‘rûz; Medîne-i Üsküdar’da Bulgurlu mahallesinde sâkine mu‘arrefetü’z-zât Havva bt. Mustafa nâm hatun meclis-i şer‘-i hatîrde Şarlıoğlu Osman Ağa b. Hüseyin mahzarında mezbûr Osman zimmetinde karz-ı şer‘îden seksen guruş hakkım olmağla taleb ederim deyü eylediği da‘vâsından bâ-tavassut-ı muslihîn elli guruş bedel mukābelesinde mezbûr Osman Ağa ile sulh olup ziyâde müdde‘âsına müte‘allika âmme-i de‘âvîden mezbûr Osman’ın zimmetini ibrâ ve ıskāt ol dahi ibrâsını kabûl edip lâkin bedel-i sulh-ı merkūm elli guruşu def‘aten edâya kudreti olmayıp te’cil ve taksîte tâlib olmağın müdde‘iye-i mezbûre dahi bedel-i meblağ-ı merkūm elli guruşu târih-i i‘lâmdan beher şehr tamamında ikişer guruş edâ edip ol-vechile yirmi beş ay tamamında edâ etmek üzere te’cil ve taksît eyledikde mezbûr Osman Ağa dahi ber-vech-i muharrer müeccelen ve mukāssatan edâya ta‘ahhüd eylediği bi’l-iltimâs huzûr-ı âlîlerine i‘lâm olundu. Fî 27 min-C sene 1205