Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 419 Hüküm no: 587 Orijinal metin no: [50a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nikola v. Pagon’un Esirci Mahmud’dan kiralayıp Bakkal köyü ahalisine devrettiği çiftliğin eşya ve hayvanlarıyla ilgili taleplerinin hukuksuz olduğu Ma‘rûz; Medîne-i Üsküdar’a muzâfe Hamamlı Çiftlik demekle ma‘rûf Bakkāl karyesi mütemekkinlerinden İsteryo v. Sedri ve İstadi v. Yorgaki ve Dimitri v. Manol nâm zimmîler medîne-i mezbûrede mahfil-i bâbda meclis-i şer‘-i hatîrde Nikola v. Pagon nâm zimmî muvâcehesinde merkūm Nikola zimmî karye-i mezbûre civârında Karaman Çiftliği’nin Mutasarrıfı Esirci el-Hâc Mahmud nâm kimesneden çiftlik-i mezkûru eşyâ ve hayvanâtıyla istîcâr ve müddet-i icâre tamamında mutasarrıf-ı merkūm çiftlik-i mezkûru ale’l-iştirâk bizlere îcâr ve bizler dahi istîcâr edip lâkin merkūm Nikola zimmî çiftlik-i mezkûrun eşyâ ve hayvanâtını mutasarrıf-ı merkūma tamamen teslim etmeyip kıymetleri yüz yetmiş altı buçuk guruşa bâliğ on bir keyl keten tohumu ve on beş tavuk ve beş koyun ve yüz kantar saman noksân olmağla biz merkūm el-Hâc Mahmud’un emriyle eşyâ ve hayvanâtı mâlımızdan tekmîl edip çiftlik-i mezkûra vaz‘ eylediğimize binâen zikr olunan eşyâ ve hayvanâtın kıymetleri olan meblağ-ı merkūm yüz yetmiş altı buçuk guruşu merkūm Nikola’dan taleb ederiz deyü takrîrleri üzerine merkūm Nikola zimmîden eyledikleri da‘vâları meşrû‘a olmadığı bi’l-iltimâs huzûr-ı âlîlerine i‘lâm olundu. Fî 26 min-C sene 1205