Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 419 Hüküm no: 588 Orijinal metin no: [50b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancı Mehmed’in Alemdar Hasan tarafından bıçakla yaralandığı Ma‘rûz; Medîne-i Üsküdar’da Vâlide-i atik mahallesinde sâkin ber-vech-i âtî bileğinden mecrûh olduğu bundan akdem lede’l-keşf ve’l-mu‘âyene zâhir olan Bostanî Mehmed b. Mustafa nâm kimesne meclis-i şer‘-i hatîrde Alemdar Hasan b. Hüseyin nâm kimesne mahzarında mezbûr Hasan târih-i i‘lâm günü medîne-i mezbûrede Atpazarı nâm mahâlde kahve dükkânı önünde beni bi-gayrı hakkın amden yatağan bıçağı ile sol bileğim üzerinden darb ve cerh etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını lede’t-tezkiye adâletleri zâhir olan es-Seyyid Hüseyin b. Osman ve Bıçakcı Hasan b. Ahmed nâm kimesneler şehâdetleriyle vech-i şer‘î üzere muvâcehesinde isbât etmeğin cerh-i mezkûrun mûcib-i şer‘îsi ber’-i tam husûlüne muhtâc olduğu bi’l-iltimâs huzûr-ı âlîlerine i‘lâm olundu. Fî 15 min-Receb sene 1205