Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 420 Hüküm no: 590 Orijinal metin no: [50b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuzguncuk köyü reayasından olup üzerlerine düşen vergilerini ödeyenlerden çalıştıkları işlerle ilgili fazladan vergi talebinde bulunulmaması Ma‘rûz; Duvarcı ve taşcı tâifesinden ashâb-ı arzuhâl Yorgi v. Yani v. Anderya ve Karabet v. Kirkor ve Arali? v. Dimo ve Panço v. Naşo ve Ayan v. Todori ve Dimo v. Tanaş ve Tanaş v. Yani ve Yani v. Yorgi nâm zimmîler meclis-i şer‘-i hatîrde Medîne-i Üsküdar’a tâbi‘ Kuzguncuk karyesinde subaşı arzuhâlde ismi mezkûr Mustafa b. Abdurrahman mahzarında bizim karye-i mezbûre hudûdu dâhilinde emlâk ve arazimiz olmayıp her birimiz mütemekkin olduğumuz karyelerde beher sene üzerimize edâsı lâzım gelen resm-i ispençemizi kabza memûr olanlara edâ edip lâkin sâlifü’z-zikr Kuzguncuk karyesi civârında vâki‘ menâzil ve yalılarda ba‘zı duvarcılık ve taşcılık eylediğimize binâen subaşı-i mezbûr siz karyede kesb ü ticâret edersiz deyü bizden bilâ-emr bi-gayrı hakkın resm-i ispenç ahz ederim deyü bizleri ta‘cîz etmekle zulm ü te‘addîsi men‘ olunmak fetvâ-yı şerîfemiz mûcebince matlûbumuzdur deyü da‘vâ ve subaşı-i mezbûr cevâbında fi’l-hakīka merkūmûndan bilâ- emr resm-i ispenç taleb eylediğini ikrâr ve fî-mâ ba‘d tâife-i mezbûrundan bilâ-emr ispenç resmi mutâlebe etmemek üzere ta‘ahhüd eylediği mübâşiri çavuş kulları iltimâsıyla huzûr-ı âlîlerine i‘lâm olundu. Fî 15 min-Receb sene 1205