Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 421 Hüküm no: 592 Orijinal metin no: [50b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nefise Hanım’ın Devatizade Vakfı mütevellisinden aldığı borcu ödemesi Ma‘rûz; Medîne-i Üsküdar’da vâki‘ Devâtîzâde Vakfı’nın kaymakam mütevellîsi Mehmed Emin b. İsmail tarafından vekîl-i müseccel-i şer‘îsi Molla Mustafa b. Hasan meclis-i şer‘-i hatîrde zâtı mu‘arrefe Nefise bt. Mehmed Sadık Efendi mahzarında mezbûre Nefise Hatun, vakf-ı mezbûrdan olmak üzere mütevellî-i müvekkil-i mezbûr yedinden istidâne ve kabz eylediği yirmi guruş ve târih-i i‘lâma gelince yirmi iki ayda ilzâm-ı ribh olunan beş buçuk guruş ki cem‘an yirmi beş buçuk guruşu taraf-ı vakf içün bi’l-vekâle taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihâ meblağ-ı merkūm yirmi beş buçuk guruşun edâsıyla mezbûre Nefise Hatun şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 5 min-B sene 1205