Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 425 Hüküm no: 600 Orijinal metin no: [51a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil b. Hasan’ın borcunu ödediği Ma‘rûz; Medîne-i Üsküdar’da Hamzafakih mahallesinde sâkin el-Hâc Ali b. Mustafa meclis-i şer‘-i hatîrde Halil b. Hasan mahzarında mezbûr Halil târih-i i‘lâmdan dört ay mukaddem yedimden iştirâ ve kabz ve umûruna sarfla istihlâk eylediği yirmi guruş hakkımı taleb ederim deyü da‘vâ, mezbûr Halil cevâbında meblağ-ı merkūm yirmi guruşu kabzını ikrâr lâkin müdde‘î-i mezbûrun emriyle gāib ani’l-meclis el-Hâc Mehmed Ağa’ya teslîm etmiş idim deyü ba‘de’d-def‘ ve’l-inkâr dâfi‘-i mezbûr Halil def‘-i mezkûrunu beyân ve isbât edemeyip bi’t-taleb mezbûr el-Hâc Ali’ye yemîn teklif olundukda yemînden nükûl etmeğin mûcebiyle müdde‘î-i mezbûr husûs-ı mezkûrda mezbûr Halil’e bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 28 min-Receb sene 1205