Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 427 Hüküm no: 605 Orijinal metin no: [51b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sitori v. Rosoma’nın Zafiri v. Yani’ye olan borcunu ödediği Ma‘rûz; Vilâyet-i Anadolu’da Mudanya kazâsı ahâlisinden medîne-i Üsküdar’da misâfiren mütemekkin Zafiri v. Yani nâm zimmî medîne-i mezbûrede meclis-i şer‘-i hatîrde Sitori v. Rosoma nâm zimmî muvâcehesinde merkūm Sitori zimmî târih-i i‘lâmdan bir sene mukaddem yedimden iştirâ ve kabz eylediği vezn ve fiyâtı beynimizde ma‘lûm hâm sirke semeninden altmış iki buçuk guruş hakkımın otuz dört buçuk guruşunu yedinden ahz ü kabz ve yirmi sekiz guruş zimmetinde bâkī kalmağla taleb ederim deyü da‘vâ ve merkūm Sitori zimmî cevâbında müdde‘î-i merkūmdan ancak kırk iki buçuk guruşluk hâm sirke iştirâ ve semen-i merkūm kırk iki buçuk guruşu kendiye tamamen edâ ve teslim eyledim deyü ba‘de’d-def‘ ve’l-inkâr müdde‘î-i merkūm ber-vech-i muharrer ziyâde müdde‘âsını ve dâfi‘-i merkūm ziyâde def‘ini beyâna havâle olundukda müdde‘î-i mezbûr ziyâde müdde‘âsını beyândan izhâr-ı acz birle talebiyle merkūm Sitori zimmî gıbbe’t-tahlîfi’ş-şer‘î mûcebiyle müdde‘î-i merkūm Zafiri zimmî ziyâde müdde‘âsıyla merkūm Sitori zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 19 min-B sene 1205