Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 428 Hüküm no: 606 Orijinal metin no: [51b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zenbula bt. Marat’ın borcunu ödemesi Ma‘rûz; Medîne-i Üsküdar’da Yenimahalle mütemekkinlerinden Praşkova v. Kostanti nâm zimmî medîne-i mezbûrede mahfil-i bâbda meclis-i şer‘-i hatîrde şahsı mu‘arrefe Zenbula bt. Marat nâm Nasrâniye muvâcehesinde merkūme Zenbula Nasrâniye târih-i i‘lâmdan dört buçuk sene mukaddem yedimden iştirâ ve kabz ve umûruna sarfla istihlâk eylediği iki yüz guruş ve beynimizde ma‘lûm bir bâb menzil ücretinden bâkī kırk yedi guruş ki cem‘an iki yüz kırk yedi guruş zimmetinde hakkım olmağla taleb ederim deyü ba‘de’d-da‘vâ ve’l-ikrâr mûcebiyle meblağ-ı mecmû‘-ı merkūm iki yüz kırk yedi guruşun edâsıyla merkūme Zenbula Nasrâniye şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 20 min-B sene 1205