Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 430 Hüküm no: 611 Orijinal metin no: [52a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer b. İbrahim’in borcunu ödemesi Ma‘rûz; Medîne-i Üsküdar’da Bulgurlu mahallesinde sâkine ve zâtı mu‘arrefe Âişe bt. Abdullah nâm hatun medîne-i mezbûrede mahfil-i bâbda meclis-i şer‘-i hatîrde Ömer b. İbrahim nâm kimesne mahzarında mezbûr Ömer zimmetinde dükkân icâresinden bâkī beş guruş ve cihet-i kefâletden on guruş ki cem‘an ciheteyn-i mezkûreteynden on beş guruş hakkımı taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on beş guruşun bi-hükmi’l-ihâle ve’l-kefâle edâsıyla mezbûr Ömer şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 4 min-Ş sene 1205